Aðalfundur Bergs 2022

Aðalfundur Bergs


Ágæti félagsmaður
Í meðfylgjandi pósti er aðalfundarboð, en fundurinn verður haldinn 27. Apríl í Stássinu á Greifanum, Glerárgötu 20 kl. 19.00. Kvöldverður í boði félagsins verður að fundi loknum og eru félagsmenn beðnir um að tilkynna komu sína á fundinn á netfangið bergfs@bergfs.is fyrir 25. apríl n.k.
Í stjórnarkjöri á komandi aðalfundi skal kosið um varaformann, gjaldkera, meðstjórnanda og einn varamann. Núverandi stjórnarmeðlimir gefa kost á sér til áframhaldandi starfa.
Sem fyrr er fjölgun félagsmanna okkur öllum mikið hagsmunamál. Við beinum því til ykkar, félagsmanna Bergs, að benda fólki á að kynna sér félagið okkar. Við búum að mjög öflugum sjúkrasjóði og menntunarsjóði, að auki erum við með eitt lægsta félagsgjald sem stéttarfélag býður upp á. Allar frekari upplýsingar má nálgast á heimasíðunni okkar www.bergfs.is
Minnum á að skrifstofa félagsins er á Glerártorgi, 2.hæð, á sama gangi og Blóðbankinn, Lækna- og Tannlæknastofur Akureyrar.
Heimasíðan og Facebook. Vefslóðin á heimasíðuna er www.bergfs.is. Facebook síða er tengd heimasíðunni og hvetjum við alla til að líka við síðuna til að fá upplýsingar þaðan.
Úthlutun orlofshúsa er lokið, enn eru nokkrar vikur lausar á Vatnsenda í sumar.
Leiguverð á viku að Vatnsenda er óbreytt frá síðasta ári eða 35.000 kr.
Ný íbúð félagsins er glæsileg tveggja herbergja íbúð í Álalind 20.
Íbúðirnar í Álalind 3 og Álalind 20 verða áfram í helgarleigu og sólarhringsleigu í miðri viku eins og áður, en voru ekki settar í sumarúthlutun og vikuleigu.
Helgarleigan í Álalind 3 er 16.000 kr. og sólarhringsleigan í miðri viku er 8.000 kr. til félagsmanna Bergs. Þegar gengið er frá greiðslu á orlofsvefnum Frímann er helgarleigan 24.000 kr. og sólarhringsleigan 11.000 kr. Í Álalind 20 er helgarleigan 14.000 kr. og sólarhringsleiga í miðri viku 6.000 kr. til félagsmanna Bergs. Þegar gengið er frá greiðslu á orlofsvefnum Frímann er helgarleigan 22.000 kr. og sólarhringsleigan 10.000 kr.
Mismunurinn er endurgreiddur félagsmönnum í fyrri hluta næstkomandi mánaðar eftir að leiga hefur farið fram.

Hægt er að sækja um orlofshús á bergfs.is > orlofsmál > bóka orlofseign.
Sjáumst á aðalfundi.